1. Safari аялалд явахад хамгийн тохиромжтой улирал хэзээ вэ?

Танзани улсад жилийн турш safari аялал хийх боломжтой. 6–10 сар нь хуурай улирал тул амьтад усны эх үүсвэр орчимд төвлөрч, ажиглахад хамгийн тохиромжтой үеүүдийн нэг. Харин 1–3 сар Serengeti-д төллөлтийн улирал тохиодог тул зэрлэг байгалийн онцгой үйл явдлуудыг харах боломжтой.

2. Great Migration болон Big Five амьтдыг харах боломжтой юу?

Serengeti нь Great Migration явагддаг гол бүс бөгөөд Ngorongoro Crater нь Big Five амьтдыг ажиглахад Африкийн хамгийн алдартай газруудын нэг. Гэхдээ эдгээр нь зэрлэг амьтад учраас тодорхой амьтан, сүргийг заавал харна гэсэн баталгаа өгөх боломжгүй. Байршил нь улирал, бороо, ус болон бэлчээрээс шалтгаалан байнга өөрчлөгддөг.

3. Safari аялал аюулгүй юу?

Тийм. Safari аяллыг туршлагатай мэргэжлийн жолооч, хөтөчтэй зохион байгуулж, үндэсний паркуудын аюулгүй ажиллагааны дүрмийг мөрдөнө. Аялагчид хөтөчийн зааврыг дагаж, зөвшөөрөлгүй газарт машинаас буухгүй, чанга дуу чимээ гаргахгүй, амьтдын анхаарлыг зориудаар татахгүй, тайван ажиглах нь хамгийн чухал.

4. Safari машин ямар байдаг вэ? Нэг машинд хэдэн хүн суудаг вэ?

Safari аялалд зэрлэг байгаль, бартаат замд зориулан тоноглосон 4x4 Land Cruiser автомашин ашиглана. Ихэнх safari машин жолоочоос гадна 7 хүртэл зорчигчийн суудалтай байдаг. Машины дээвэр дээш нээгддэг тул game drive-ийн үеэр босож, зэрлэг амьтдыг саадгүй ажиглах, зураг авах боломжтой.

5. Өдөрт хэдэн цаг safari game drive хийх вэ?

Өдрийн хөтөлбөр болон тухайн өдрийн маршрутаас хамаарч game drive-ийн хугацаа өөр байна. Ихэвчлэн өглөө эрт болон үдээс хойш амьтад идэвхтэй байх үед safari хийдэг. Зарим өдөр бүтэн өдрийн game drive хийх боломжтой бөгөөд замдаа picnic lunch хийж болно.

6. Амьтдад хэр ойр очих боломжтой вэ?

Зарим үед арслан, заан, анааш, зебра зэрэг амьтад safari машины дэргэд хүртэл ойртож ирэх тохиолдол бий. Гэхдээ жолооч нар амьтдыг хөөх, замыг нь хаах, зориудаар хэт ойртохгүй бөгөөд үндэсний паркийн дүрэм, зэрлэг амьтдын аюулгүй байдлыг нэн тэргүүнд тавина.

7. Safari-ийн үеэр машинаас бууж болох уу?

Үндэсний паркийн ихэнх хэсэгт дур мэдэн машинаас буухыг зөвшөөрдөггүй. Зөвхөн зориулалтын picnic area, rest area, viewpoint болон хөтөчийн зөвшөөрсөн аюулгүй газруудад машинаас бууна. Энэ нь аялагч болон зэрлэг амьтдын аюулгүй байдлыг хамгаалах үндсэн дүрэм юм.

8. Safari аяллын үеэр бие засах шаардлагатай бол яах вэ?

Safari маршрутын дагуу зориулалтын амралтын болон picnic цэгүүдэд ариун цэврийн өрөө байдаг бөгөөд жолооч, хөтөч зогсолтыг урьдчилан зохицуулна. Хэрэв яаралтай шаардлага гарвал хөтөчдөө хэлэхэд хамгийн ойрын аюулгүй, зөвшөөрөгдсөн зогсоолыг сонгон зохицуулна. Зэрлэг амьтадтай бүсэд дур мэдэн машинаас бууж болохгүй.

9. Tented camp-д байрлах нь аюулгүй юу?

Тийм. Safari tented camp-ууд зэрлэг байгальд байрладаг ч аялагчдын аюулгүй байдлыг хангах тусгай зохион байгуулалттай. Camp-ийн хамгаалалтын ажилтнууд 24 цагийн турш зэвсэгтэй хамгаалалтад ажилладаг бөгөөд оройн цагаар майхнаас гарах шаардлагатай үед ажилтан дагалдан явна.

Зэрлэг амьтад camp-ийн ойролцоо үзэгдэх боломжтой тул харанхуй болсны дараа ганцаараа явахгүй, camp-ийн аюулгүй ажиллагааны зааврыг мөрдөнө. Шаардлагатай тохиолдолд аялагчдад холбоо барих станц (radio) өгч, ажилтнуудтай шууд холбогдох боломж бүрдүүлдэг.

10. Tented camp-д шүршүүр, ариун цэврийн өрөө, цахилгаан байдаг уу?

Тийм. Манай аялалд ашиглах tented camp-ууд нь майхан дотроо тав тухтай ор, хувийн ариун цэврийн өрөө, шүршүүртэй бөгөөд утас, камер зэрэг төхөөрөмжөө цэнэглэх боломжтой. Зарим camp нарны эрчим хүч ашигладаг тул цахилгааны хэрэглээ тодорхой цагийн хуваарьтай байж болно.

Tented camp-д байрлах нь энгийн зочид буудалд буухаас илүү сонирхолтой, safari аяллын салшгүй нэг хэсэг юм. Африкийн зэрлэг байгалийн дунд, дассан орчноосоо тэс өөр газар тухтай кемпинг хийж, шөнийн байгалийн чимээг сонсон, мартагдашгүй шинэ туршлага хуримтлуулах боломжтой.

11. Safari аяллын үеэр ямар хоолтой вэ?

Safari аяллын үеэр өглөөний цай, өдрийн хоол, оройн хоол хөтөлбөрийн дагуу үйлчилнэ. Game drive-тай өдрүүдэд өдрийн хоолыг lunch box / picnic хэлбэрээр авч явж, байгалийн дунд зориулалтын picnic area-д хооллох тохиолдол бий. Vegetarian болон хоолны тусгай шаардлага байвал аяллаас өмнө мэдэгдээрэй.

12. Safari-д ямар хувцас, гутал авч явах хэрэгтэй вэ?

Хөнгөн, биед эвтэйхэн, саарал, бор, khaki, beige зэрэг байгалийн зөөлөн өнгөтэй хувцас сонгохыг зөвлөж байна. Боломжтой бол хар, бараан хөх зэрэг бараан өнгийн хувцаснаас татгалзаарай. Танзанийн зарим safari бүсэд байдаг tsetse fly (цеце ялаа) нь хар, хөх зэрэг бараан өнгөнд илүү татагддаг.

Өглөө, орой сэрүүхэн байдаг тул нимгэн дулаан хүрэм, урт өмд авч явахад тохиромжтой. Мөн биед эвтэйхэн битүү гутал, нарны малгай, нарны шил, нарны тос болон шавж үргээгч авч яваарай.

13. Танзани руу аялахад вакцин шаардлагатай юу?

Вакцины шаардлага нь таны аяллын маршрут, өмнө нь зорчсон улс болон тухайн үеийн Танзани улсын нэвтрэх журмаас хамаарч өөрчлөгдөж болно. Yellow Fever зэрэг вакцины гэрчилгээ тодорхой нөхцөлд шаардагдах боломжтой. Иймээс аяллын өмнө тухайн үеийн албан ёсны шаардлагыг шалгаж, шаардлагатай бол эмчтэй зөвлөлдөхийг зөвлөж байна.

14. Malaria болон шумуулаас хэрхэн хамгаалах вэ?

Танзанийн зарим бүсэд malaria-ийн эрсдэл байдаг. Шумуул үргээгч хэрэглэх, орой урт ханцуйтай хувцас өмсөх, camp-ийн mosquito net ашиглах зэрэг хамгаалалтын арга хэмжээ авах хэрэгтэй. Malaria-аас урьдчилан сэргийлэх эм хэрэглэх эсэхээ аяллын өмнө эмчтэй зөвлөөрэй.

15. Танзани улсын визийг хэрхэн авах вэ?

Монгол Улсын иргэд Танзани руу зорчихдоо виз авна. Визийг урьдчилан онлайнаар мэдүүлэх эсвэл Танзанид ирээд нисэх буудал дээр Visa on Arrival хэлбэрээр авах боломжтой.

Миний хувьд нисэх буудал дээр визээ авч байсан бөгөөд үйл явц энгийн байсан. Визийн хураамж $50 бөгөөд аяллын багцын үнэд багтаагүй болно.

16. Аяллын даатгал заавал шаардлагатай юу?

Олон улсын аяллын даатгалтай явахыг зөвлөж байна. Даатгал сонгохдоо эмнэлгийн тусламж, осол гэмтэл, яаралтай нүүлгэн шилжүүлэлт, аялал цуцлагдах болон ачаа тээштэй холбоотой эрсдэлийг хамарч байгаа эсэхийг шалгаарай.

17. Хүүхэд болон ахмад настай хүн safari-д явж болох уу?

Болно. Safari нь өндөр түвшний биеийн бэлтгэл шаарддаг аялал биш бөгөөд ихэнх хугацааг safari машинд өнгөрүүлдэг. Гэхдээ өдөрт олон цаг машинаар явах, бартаат замаар зорчих үе байдаг тул бага насны хүүхэд болон эрүүл мэндийн онцгой хэрэгцээтэй аялагчид урьдчилан бидэнд мэдэгдэх хэрэгтэй.

18. Ачаа тээшинд ямар нэгэн хязгаарлалт бий юу?

Safari аяллын үеэр бүх аялагчдын ачааг нэг машинд хамтад нь тээвэрлэдэг. Мөн энэ аялал олон хоног үргэлжилж, хэд хэдэн camp, lodge дамжин байрлах тул аль болох авсаархан, бага ачаатай аялахыг зөвлөж байна.

Хэт том, хүнд чемоданаас илүү хэрэгцээтэй зүйлсээ цэгцтэй багтаасан зөөлөн аяллын цүнх сонговол тохиромжтой. Ингэснээр өдөр бүр ачаагаа зөөх, задлах, баглахад ч өөрт тань илүү хялбар, тухтай байх болно.

19. Жолооч, хөтөч болон camp-ийн ажилтнуудад tips хэд орчим өгөх вэ?

Танзанийн safari аялалд жолооч, хөтөч болон camp-ийн ажилтнуудад сайн үйлчилгээнийх нь төлөө tips буюу гарын мөнгө өгөх нь түгээмэл боловч аяллын үнэд багтдаггүй. Tips-ийн хэмжээг үйлчилгээ, аяллын хоног болон группийн хэмжээнээс хамааруулан аялагчид өөрсдөө шийдэх боломжтой.

20. Safari аяллын үеэр интернет, утасны сүлжээ барих уу?

Хот суурин болон зарим lodge, tented camp-д Wi-Fi болон үүрэн холбооны сүлжээ ашиглах боломжтой. Харин Serengeti зэрэг алслагдсан зэрлэг байгалийн бүсэд сүлжээ сулрах эсвэл огт барихгүй үе бий.