1. Zanzibar руу хэрхэн очих вэ?

Zanzibar руу Танзанийн томоохон хотуудаас дотоодын нислэгээр ойролцоогоор 1 цаг нисэж хүрнэ. Нислэгийн үнэ улирал, захиалсан хугацаанаас хамааран өөрчлөгдөх боловч нэг талдаа ойролцоогоор $100–150 байдаг.

Манай Kilimanjaro + Safari + Zanzibar аяллаар явж байгаа тохиолдолд safari аяллаа дуусгасны дараа дотоодын нислэгээр Zanzibar руу шилжинэ.

2. Zanzibar-д аялахад хамгийн тохиромжтой улирал хэзээ вэ?

Zanzibar нь халуун орны уур амьсгалтай учраас жилийн ихэнх хугацаанд дулаахан. Ерөнхийдөө 6–10 сар, мөн 12–2 сар далайн эргийн амралтад хамгийн таатай үеүүдэд тооцогддог.

Борооны улиралд ч аялах боломжтой боловч зарим өдөр далайн аялал болон outdoor activity цаг агаараас шалтгаалан өөрчлөгдөж болно.

3. Zanzibar аюулгүй юу? Scam-аас хэрхэн сэргийлэх вэ?

Zanzibar бол жуулчид ихээр зорчдог газар. Аялал жуулчлалын бүсүүдэд танихгүй хүн өндөр үнэ хэлэх, зөвшөөрөлгүй tour, taxi санал болгох зэрэг тохиолдол гарч болно.

Гудамж, далайн эрэг дээр танихгүй хүнээс шууд үйлчилгээ авахаас илүү зочид буудал, хөтөч эсвэл найдвартай аяллын компаниар дамжуулан захиалахыг зөвлөж байна. Taxi болон нэмэлт activity авахдаа үнийг урьдчилан тохиролцоорой.

Манай үндсэн хөтөлбөрт багтсан аялал, transfer-ууд урьдчилан зохион байгуулагдсан байна.

4. Zanzibar-д ямар хувцас авч явах вэ?

Далайн эрэг, resort-д энгийн beachwear өмсөхөд тохиромжтой. Харин Zanzibar-ын хүн амын дийлэнх нь мусульман шашинтай тул Stone Town, тосгон болон нутгийн иргэдийн амьдардаг газруудаар явахдаа мөр, өвдгөө халхалсан хувцас сонгох нь тухайн орны соёлыг хүндэтгэсэн зөв сонголт.

Мөн нимгэн, агаар сайн нэвтрүүлдэг хувцас, малгай, нарны шил, нарны тос, усны хувцас, биед эвтэйхэн сандаал эсвэл гутал авч яваарай.

5. Хөтөлбөрөөс гадуур өөр газар үзэхийг хүсвэл хэрхэн зорчих вэ?

Zanzibar-д такси, private transfer болон dala-dala хэмээх нутгийн нийтийн тээвэр ашиглаж болно. Dala-dala нь хямд боловч хүн ихтэй, аяллын хугацаа урт байх тохиолдол бий. Хол зайд зорчих бол такси эсвэл private transfer илүү тухтай.

Миний туршлагаар далайн эргийн зочид буудлууд ихэвчлэн арлын эрэг дагуу байрладаг тул Stone Town болон төв хэсэг рүү ороход нэлээд хугацаа, зарим байршлаас цаг гаруй явдаг.

Тиймээс төв хэсэгт үзэх Stone Town, Spice Tour, Spice Market, Freddie Mercury Museum, Old Slave Market зэрэг газруудыг нэг өдөрт багтаан төлөвлөсөн. Ингэснээр өдөр бүр хот руу нааш цааш удаан явахгүй, далайн эрэг дээр амрах цагаа илүү их үлдээх боломжтой.

6. Safari Blue аялал гэж юу вэ? Усанд сайн сэлж чаддаггүй хүн явж болох уу?

Safari Blue бол Zanzibar-д миний хамгийн их таалагдсан аяллуудын нэг. Завиар Энэтхэгийн далайд гарч, цагаан элсэн sandbank дээр амарч, snorkeling хийж, жижиг арал дээр нутгийн хэв маягаар бэлтгэсэн шинэхэн далайн хоол идэж, baobab мод, natural lagoon зэрэг сонирхолтой газруудаар аялна.

Snorkeling заавал хийх албагүй. Усанд сайн сэлдэггүй бол хөтөчдөө урьдчилан хэлээд, өөртөө тухтай хэмжээнд оролцож болно.

Миний зүгээс өгөх нэг жижиг зөвлөгөө: аялалд гарахаасаа өмнө утсаа уснаас хамгаалах, хүзүүндээ эсвэл биедээ зүүж болох waterproof phone case авч яваарай. Zanzibar-д очоод авч болох ч миний туршлагаар чанар муутай мөртлөө үнэтэй байсан. Урьдчилж боломжийн чанартайг аваад явбал усан дотор зураг, бичлэг хийхэд ч хэрэг болно.

7. Zanzibar-д хоол ямар вэ? Далайн хоол иддэггүй бол яах вэ?

Zanzibar-ын хоолонд Африк, Араб, Энэтхэгийн хоолны соёл болон арлын алдарт амтлагчдын нөлөө шингэсэн байдаг. Шинэхэн загас, наймаалж, сам хорхой зэрэг далайн хоолны сонголт маш их.

Далайн хоол иддэггүй бол санаа зовох шаардлагагүй. Chicken, beef, rice, curry, pasta, pizza, vegetarian зэрэг олон сонголттой бөгөөд Stone Town болон далайн эргийн бүсүүдэд нутгийн жижиг хоолны газраас эхлээд ресторан хүртэл бий.

8. Zanzibar-д юмны үнэ ер нь ямар вэ?

Үнэ нь хаана үйлчлүүлж байгаагаас нэлээд ялгаатай. Нутгийн хоолны газар харьцангуй хямд, харин beach restaurant, resort болон жуулчны бүсийн ресторан илүү үнэтэй.

Ерөнхийдөө жуулчны бүсийн ресторан дахь нэг хоол $10–25+, beer $3–5+ байх нь түгээмэл. Нэмэлт tour болон water activity-ууд тусдаа үнэтэй.

Тиймээс аяллын үнэд ороогүй хоол, ундаа, нэмэлт activity, souvenir зэрэгт зориулж нэмэлт pocket money тооцож явахад тохиромжтой.

9. Zanzibar-д ямар мөнгө хэрэглэдэг вэ? USD авч явах уу?

Zanzibar-д Танзани улсын мөнгөн тэмдэгт болох Tanzanian Shilling (TZS) хэрэглэнэ. Зочид буудал, аяллын үйлчилгээ болон жуулчны зарим газарт USD хүлээн авдаг ч жижиг дэлгүүр, зах, street food, гар дээрээс худалдаа хийх үед TZS-тэй байх нь илүү тохиромжтой.

Миний туршлагаар жижиг зүйл худалдаж авахдаа TZS байхгүйгээс USD-аар төлөх бол том дэвсгэрт өгөхгүй байхыг зөвлөе. Хариултыг TZS-ээр өгөх эсвэл өөрсдийн ханшаар тооцох тохиолдол байдаг тул жижиг худалдан авалт дээр алдагдалтай гарах боломжтой.

Тиймээс бага дүнтэй TZS болон жижиг дэвсгэртийн USD биедээ авч явахад хамгийн амар. Карт ашиглах боломжтой газрууд байдаг ч зах, жижиг худалдаа, нутгийн үйлчилгээний газруудад бэлэн мөнгө хэрэг болдог.

10. Zanzibar-аас юу худалдаж авбал гоё дурсгал болох вэ?

Zanzibar-аас авч болох хамгийн онцлог зүйлсийн нэг бол мэдээж амтлагч. Clove, cinnamon, vanilla, nutmeg зэрэг нь “Spice Island”-аас авчрах гоё дурсгал, бас бэлэг болдог.

Мөн нутгийн гар урлал, модон эдлэл, зураг, өнгөлөг даавуу, сагс, саван, арьс арчилгааны бүтээгдэхүүн зэрэг олон сонголт бий.

Өөрийн туршлагаас нэг зүйл зөвлөе: амтлагч худалдаж авбал битүү савлагаатайг сонгож, савлагааг нь задлалгүй авч яваарай. Хил, гаалиар нэвтрэх үед задгай хүнсний бүтээгдэхүүн асуудал үүсгэж болзошгүй тул анхны савлагаатай авч явах нь илүү найдвартай.

Зах, жижиг дэлгүүрээр явахдаа яаралгүй үзэж, үнэ харьцуулж байгаад авахад болно.

11. Zanzibar-д шумуул байдаг уу? Юуг анхаарах вэ?

Zanzibar халуун орны арал учраас шумуул байдаг, ялангуяа оройн цагаар шумуул үргээгч хэрэглэхэд илүүдэхгүй.

Зочид буудлууд ихэвчлэн шумуулнаас хамгаалах нөхцөлтэй байдаг. Орой нимгэн урт ханцуйтай хувцас өмсөх, mosquito repellent хэрэглэх зэрэг энгийн хамгаалалт байхад тохиромжтой.

Malaria-аас урьдчилан сэргийлэх эм хэрэглэх эсэх нь хүн бүрийн эрүүл мэнд, аяллын нөхцөлөөс хамаардаг тул санаа зовж байгаа бол аяллынхаа өмнө эмчтэй зөвлөлдөж, өөрт тохирох зөвлөгөө аваарай.

12. Чөлөөт өдрөөр юу хийж болох вэ? Нэмэлт аяллаа хэрхэн сонгох вэ?

Zanzibar бол Kilimanjaro, safari-гаас арай өөр — аялал жуулчлал хөгжсөн арал учраас хийх зүйл, сонгох activity маш олон.

Далайн эргээр морь унах, paddle board, kayak, diving, snorkeling, massage, sunset cruise, дугуйн аялал, Kuza Cave гээд өөрийн сонирхсон зүйлээ сонгож болно.

Хийж үзмээр байгаа зүйл байвал санаа зоволгүй хөтөчтэйгөө ярилцаж, зөвлөгөө аваарай. Хаана нь найдвартай, аль нь сонирхолтой, үнэ нь ойролцоогоор хэд байдгийг урьдчилан асууж болно.

Миний туршлагаар зарим activity дээр өөрөө шууд очоод газар дээр нь үнэ асуухаар жуулчны үнэ нэмж хэлэх тохиолдол байдаг. Тиймээс эхлээд хөтөчөөсөө бодит үнэ, найдвартай үйлчилгээний талаар асуугаад сонгоход илүү амар.

Чөлөөт өдөр гэдэг нь юу ч хийхгүй байх ёстой гэсэн үг биш — харин юу хийхээ өөрөө сонгох өдөр.

13. Zanzibar-д интернет, Wi-Fi хэр байдаг вэ?

Зочид буудал, ресторан, кафе зэрэг газруудад Wi-Fi түгээмэл. Мөн local SIM эсвэл eSIM ашиглан mobile data авах боломжтой.

Харин далайн аялал, жижиг арал болон зарим алслагдсан beach хэсэгт сүлжээ сулрах боломжтой.

14. Zanzibar-д гарын мөнгө өгөх хэрэгтэй юу?

Zanzibar-д гарын мөнгө өгөх нь заавал биш ч аялал жуулчлалын үйлчилгээний салбарт түгээмэл байдаг. Хөтөч, жолооч, завины багийнхан, зочид буудлын ажилтнуудын үйлчилгээ таалагдсан бол талархлаа илэрхийлж гарын мөнгө өгч болно.

Гарын мөнгийг хүн бүр тус тусдаа өгөхөөс илүү манай групп нийлүүлээд өгөхөд илүү амар байдаг. Хэд орчим өгөхөө сайн мэдэхгүй байвал хөтөчөөсөө асууж болно.

Гарын мөнгө аяллын үнэд багтаагүй тул бага дүнтэй USD эсвэл TZS бэлдэж явахад тохиромжтой.

15. Зөвхөн Zanzibar-д аялах тусдаа хөтөлбөр авч болох уу?

Болно. Kilimanjaro-д авирахгүй, safari хийхгүйгээр зөвхөн Zanzibar-д амрах хүсэлтэй хүмүүст зориулан тусдаа аяллын хөтөлбөр гаргаж болно.

Zanzibar-д хийх зүйл маш олон. Stone Town-ы rooftop restaurant-аас нар жаргахыг харах, нутгийн хөгжим, бүжгийн тоглолт үзэх, далайн аялал хийх, аварга яст мэлхий үзэх, diving, cycling, hiking хийх гээд аяллын хөтөлбөрийг хүссэнээрээ баяжуулж болно.

Эсвэл бүр эсрэгээрээ — юу ч төлөвлөхгүйгээр Энэтхэгийн далайн эрэг дээр хэд хоног жинхэнээсээ амарч болно.

Аялах хоног, зочид буудлын зэрэглэл, хийхийг хүссэн зүйлс, аяллын хэмнэлээ өөрийн хүсэл, төсөвт тохируулан зөвхөн танд зориулсан Zanzibar аяллын хөтөлбөр гаргуулах боломжтой.